Инспирирана од Моника од серијата „Пријатели“, која е опседната со уредност, актерката Кортни Кокс објави кратко видео на Инстаграм, во кое се гледа перфектната организација која очигледно ја „наследила“ од својот лик.

Сè си има свое точно место, а се забележува и дека сите елементи во нејзината кујна се распоредени според големината и според видот на намирниците.

Ликот на Моника во серијата е полн со енергија со изненадувачко ниво на уредност и организација, а другите ја сметаат за „мајка“ на групата пријатели. Таа е практична и секогаш подготвена да помогне, како и да им даде корисни совети на своите пријатели.

 

View this post on Instagram

 

A post shared by Courteney Cox (@courteneycoxofficial)

Во своето видео, Кортни ги покани обожавателите да се приклучат на трендот кој неодамна започна на социјалната мрежа „ТикТок“ и да покажат зошто и тие се Моника.

„Кажи ми зошто си Моника, без да го кажеш тоа. Еве јас ќе го направам тоа прва“, се пошегува во видеото 56-годишната Кортни.

Кокс првично требала да го игра ликот на Рејчел, но улогата сепак на крај ѝ припадна на Џенифер Анистон.