ВИДЕО: Конте се израдува на веста дека Мурињо доаѓа во Рома
Фудбалска вест број еден во Италија во текот на вчерашниот ден беше веста дека Жозе Мурињо ќе биде нов тренер на Рома, а реакциите не стивнуваат ниту денеска.
Мурињо доаѓа на местото на Пауло Фонсека кој по завршување на сезоната ќе си замине од „Олимпико“.
За многумина оваа вест претставуваше големо изненадување, но речиси на сите им се допадна. Меѓу нив е и Антонио Конте кој со Интер успеа да ја прекине деветгодишната доминација на Јувентус.
На социјалните мрежи се појави видео со реакцијата на Конте, тој прво не поверува во веста, но потоа новинарот му ја покажа официјалната објава на Рома дека Мурињо ќе биде нивен тренер од следната сезона.
– Дали потпиша? Да? Тоа се фантастични вести за сите. Му посакувам се најдобро, освен кога ќе игра против Интер – низ насмевка рече Конте.
Conte sul ritorno di Mourinho in Italia:
«gli auguro il meglio a parte quando giocherà contro l’Inter». pic.twitter.com/2eAzGIulJT— Chiara ✼ (@reyeshades) May 4, 2021