По барањата упатени до Министерството за внатрешни работи, Платформата за родова еднаквост, побара од Јавното обвинителство и Советот на јавни обвинители конечно да го разрешат случајот Јавна соба и да овозможат заштита на жените жртви на родово-засновано насилство.

„Сметаме дека овие Министерството за внатрешни работи и Јавното обвинителство се клучни да започнат со работа и конечно да започнат да се решаваат проблемите со кои се соочуваат жените жртви на сексуалното вознемирување, сајбер булинг и слично. Конкретно до Основното јавно обвинителство, вчера доставивме барање за кривичен прогон за сторителите на кривични дела и кон полнолетните жртви во случајот „Јавна соба“, бидејќи знаеме дека голем број од жртвите кои се полнолетни се обратиле до инситуциите и биле одбиени со образложение дека законот не ги опфаќа и дека не можат да сторат ништо за полнолетните лица – што не е точно. Со непостапувањето за овие дела, во општеството се создава и една клима на нормализација на насилство врз жените. Ова го потврдуваат и истражувањата на организациите од Платформата за родова еднаквост кои се занимаваат со родовите политики. Насилството го среќавме секојдневно, почнувајќи од училиштата: во услови на пандемија сајбер булингот е многу позасилен, работното место на жените е исто така многу често место на сексистички напади, омаловажувања. А во пандемијата се зачестија и случаите на семејно насилство“, вели за Утрински брифинг, Јана Коцевска, активистка за женски права од Платформата за родова еднаквост.

„Полицијата не реагира навремено, или дури се обидува да ги помири двете страни што пак резултира со фемициди, чиј што број е доста висок во државата. Заклучокот е дека овие случаи се небитни, жртвите се обесхрабруваат да преземат акција. Пример за тоа е и случајот на полициската службеничка, која пред три години беше нападната при вршење на својата работа, за да потоа јавно се извинува за својата реакција“, вели за Утрински брифинг, Јана Коцевска, активистка за женски права од Платформата за родова еднаквост.

Таа додава дека и кај нас е присутно антиродовото движење коее глобално познато, а тоа се женски организации и жени кои поддржуваат антиженски политики.

Разговор со Јана Коцевска, основачка на „Тиииит! Инк“: Може ли да зборуваме за менструација? Ама погласно