ВИДЕО: Кит со должина од 19 метри исфрлен на брегот на Камчатка
На социјалните мрежи се појави видео на кое се гледа огромен починат кит. Видеото беше објавено на профил на локален рибар кој сакал да ја прошири веста за исфрлениот кит.
Настанот се случил на брегот на полуостровот Камчатка во Русија, кој лежи меѓу Тихиот океан и Охотското море.
Собраните луѓе го измериле животното, чија должина од опашката до главата била цели 19 метри. Не се знае точното време кога е снимено видеото, на кој вид точно китот или која е точната причина за неговата смрт.
Според очевидци, китот бил исфрлен на брегот од огромните бранови кои достигнувале висина и до 10 метри за време на силна бура која го зафатила тој предел.
„Дури и таквите животни не можат да го преживеат ова време. Многу голем. Изгледа не е син кит, веројатно е грбав кит“, коментира снимателот.
По потресното видео, се очекува реакција од научниците кои би требало да утврдат дали станува збор за еден од најдолгите грбави китови виден до сега и која е причината за неговата смрт.