Бранко Кипровски е наш тркач во Англија, кој победи во многу важен куп во автомобилската спорт, Фокус Купот, гостуваше во денешен Утрински брифинг.

-Трката на Крофт ја извозев на мојот роденден и многу ми значеше. Се подготвив како што треба, заедно со мојот менаџер. Рене Робертсон мојот ментор исто беше на теренот. Се подготвував онлајн, тоа е патека што ја возев во 2019 година. Значи, немав возено пет години, вели Кипровски за Утрински брифинг.

-Ова е круната на мојата кариера. Кога работите со професионалци се поедноставува работата. Сѐ она што мора да се помине на терен може да се помине онлајн. Се штеди финансиски, а резултатите доаѓаат, вели Кипровски.

Тој вели дека сите знаат дека во Обединетото Кралство се стационирани сите големи клубови и тоа е земја која е срцето на мотоспортот и дека бил свесен дека ако појде таму резултатите ќе стигнат.

Кипровски стасал во Англија со виза за спортист. Имал среќа во 2019 да биде препознаен од врвни професионалци.

Автомобилизмот е најскап спорт и мора да се работи со спонзори. Годинава имав среќа да рекламирам битна компанија.

Целиот разговор погледнете го во видеото: