ВИДЕО: Кепа е херојот на „сините“, Челси го освои УЕФА Суперкупот
Вечерва во Белфаст (Северна Ирска) во УЕФА Суперкупот триумфираше екипата на Челси на пенал со 6:5 против Виљареал.
Во текот на првото полувреме во 27 минута Зијеш им донесе водство на лондонските „сини“ после асистенцијата на Хаверц. Шпанците успеаја во 73 минута да дојдат до израмнување, Диа убаво го пронајде Морено кој ја затресе мрежата на Англичаните.
Немаше погодоци во двете продолженија од по 15 минути, па победникот го дознавме по ударите од белата точка.
Непосредно пред крајот на второто продолжение Кепа Аризабалага влезе во игра како замена за Едуард Менди што се покажа како прав потег на менаџерот на Челси, Томас Тухел.
🏆 Congratulations, @ChelseaFC! #SuperCup winners! https://t.co/kzW1og4Hv4
— UEFA (@UEFA) August 11, 2021
Кепа двапати излезе како победник, и тоа против Манди и Албиол по што следуваше големата радост на актуелниот европски шампион.
Ова е втор трофеј за Челси во ова натпреварување, првиот го освои во далечната 1998 година.