20-годишен жител на Скопје бил казнет откако полицијата добила информации дека се движел со автомобил на патека за пешаци во Градскиот парк, соопшти полицијата.

Претходно, на социјалните мрежи се појави снимка од неговото возење низ паркот.

Па уште и по тартан патеката вози pic.twitter.com/uNIsMKtW04

— TheReal (@Stefan_Tod) May 22, 2022

„Денеска (22.05.2022) по претходно добиени информации дека околу 12.30 часот автомобил „опел корса” се движел на патеката за пешаци во Градскиот парк во Скопје, веднаш се преземени мерки од страна на полициски службеници од Одделението за безбедност на патниот сообраќај при СВР Скопје. Лицето е пронајдено и утврдено дека станува збор за П.Л. (20) од Скопје“, велат од МВР.

Против П.Л. се преземени мерки согласно Законот за безбедност на патниот сообраќај и изречени му се соодветни санкции.