ВИДЕО | КАТАР 2022: Аутсајдерите се пакуваат, фаворитите недопирливи во осминафиналето
Осминафиналето на Светското првенство во Катар е пред самиот крај. Денеска, најпрво во 16, а потоа и во 20 часот ќе се заврши оваа рунда од мундијалот. Екипите на Мароко и Шпанија се двете екипи кои го отвараат овој мундијалски ден, додека пак Швајцарија и Португалија ќе го одиграат последниот дуел од осминафиналето.
Засега оваа рунда помина без никакви изненадувања, односно сите фаворити успеаја да победат и да се пласираат понатаму.
Но, денеска има најмногу шанси да се случи такво изненадување. Мароко како најголемото изненадување на ова првенство има шанси да изненади против екипата на Шпанија, а клучно ќе е како Мароканците ќе се справат со тактиката на Шпанија, која на противниците знае да им ја „скрие топката“.
Швајцарија е позната како аутсајдер кој знае како да им ги расипе плановите на фаворитите. Тоа го осети Франција на своја кожа на Европското првенство пред 2 години.
Љубителите на фудбалот со нетрпение ги чекаат дуелите во четвртфиналето, кои треба да продолжат од петок.