ВИДЕО: Кари подобар во МВП пресметката со Јокиќ
Натпреварот кој американските медиуми го најавија како пресметка помеѓу двајцата кандидати за МВП наградата, му припадна на Голден Стејт вориорс кој со 118:97 го совлада Денвер нагетс.
Стеф Кари го доби дуелот со Никола Јокиќ, постигна 32 поени притоа погодувајќи 11 од 18 шутеви, додека на спротивната страна, центарот на Денвер постигна 19 поени и имаше по шест скокови и асистенции.
Расел Вестбрук со нов трипл-дабл го одбележа натпреварот против поранешниот тим Оклахома сити тандерс. Во победата на Вашингтон која е четврта во низа, од 129:109, Вестбрук забележа 37 поени и имаше по 11 скокови и асистенции, а одлична помош имаше во Бредли Бил кој даде 33 поени.
Мемфис гризлис со 130:128 го совлада Портланд благодарение на слободните фрлања на Џексон во последната секунда. На 45. секунди до крајот на натпреварот, Мемфис имаше предност од 126:125, а по неискористените шанси на Портланд, Мелтон зголеми на 128:125. Лилард намали на минус два, но во последната секунда Џексон ја потври победата на Мемфис.
Џа Морант со 33 поени и 13 асистенции беше најдобар во тимот на Мемфис кој е осми во Западната конференција, додека Портланд по четвртиот пораз по ред, падна на седмото место.
Резултати:
Атланта – Мајами 118:103
Бруклин – Бостон 109:104
Шарлот – Кливленд 108:102
Хјустон – ЛА Клиперс 104:109
Оклахома сити – Вашингтон 109:129
Голден Стејт – Денвер 118:97
Портланд – Мемфис 128:130