Министерот за одбрана, Красимир Каракачанов во интевјуто за „Дарик радио“, го повтори ставот дека Македонија мора да се придржува до Договорот што го потпиша пред три години, како и дека не треба да се потпише нов договор.

– Во Скопје, тие се обидуваат да се вратат 1.000 години наназад за да и дадат легитимитет на теоријата за Коминтерна и по 1944 година за Титова Југославија. Договорот јасно кажува дека фалсификатите во врска со историјата мора да се расчистат – рече тој.

Буквално вчера тие одбија да работат во заедничката комисија. Тие го слават националниот празник на 11 октомври против таканаречениот „бугарски окупатор – рече Каракачанов во интервјуто.

За нив, вели Каракачанов, и Кирил и Методиј се Македонци, Цар Самоил бил Македонец, Св. Климент Охридски е Македонец, стигнаа дури до Александар Македонски.

– Доколку е потребно, ќе им го испратам инженерскиот полк да ги отстранат сите споменици, кои не одговараат на историските факти – рече Каракачанов.

Тој вели историјата да остане сама до 1944 година. Ова грозоморно фалсификување во учебниците по историја мора да престане, потенцира министерот, како и дека историјата на Македонија до 1944 година е бугарска историја, ова е позицијата на нашата земја.