Републиканскиот кандидат за гувернер Лери Елдер доби жесток пречек на улиците во Венис, Лос Анџелес, Калифорнија, откако тој беше нападнат од страна на жена која носи маска од горила на главата, пренесува Си-Би-Ес Лос Анџелес.

Како што може да се види на видеото, жената на велосипедот прво вербално го нападнала Елдер, а потоа фрли јајце кон него. Ни тоа не и беше доволно, па таа потоа физички го нападна човекот од неговата придружба.

Breaking: A flying egg narrowly missed the back of recall candidate @larryelder's head after it was thrown by an activist wearing a gorilla mask in Venice. A scuffle broke out and the candidate was escorted into an SUV.

Here's the raw (pun intended)
CW: f-bombs@SpecNews1SoCal pic.twitter.com/FeFx3wnuSD

— Kate Cagle (@KateCagle) September 8, 2021

Елдер, кој е и водител на популарно ток-шоу, беше присутен на закажаната турнеја низ кампот за бездомници како дел од неговата кампања, која станува се пожешка со наближувањето на изборите на 14-ти септември.

Веднаш потоа, републиканецот брзо влезе во паркираното возило и го напушти местото на инцидентот.

Полицијата по инцидентот рече дека истражува што се случило, а Елдер го опиша нападот како гнев на локалното население поради многу лошите услови и зголемениот број на бездомници во областа.

“Таму има многу гнев и несреќа. Луѓето се фрустрирани и сакаат нешто да се направи за бездомниците”, рече тој.