Поп пејачката Калиопи има причина да биде среќна, нејзините песни стигнуваат до безброј фанови и надвор од Балканот. Таков е случајот и со едно младо момче од Америка кое деновиве е вирален хит на Тик Ток и исполнува песни од македонски пејачи.

Калиопи сподели на својот инстаграм-профил дуо видео во кое се гледа дека момчето со радост ја пее нејзината евровизиска песна „Црно и бело“ и заедно потпевнуваат.

 

View this post on Instagram

 

A post shared by Kaliopi (@kaliopi_official)

Таа под објавата напиша:

„Видеото од Тик Ток профилот на овој млад Американец го добив пред два дена, благодарение на моите фанови. Толку многу ми се допадна неговата изведба на „Црно и бело“ што ја искористив опцијата дует на неговата објава. Видеото предизвика лавина од лајкови и коментари кои не ги очекувава, бидејќи ретко ја користам оваа платформа – искрена е Калиопи.

На објавата со дуетот, коментираа многу пријатели и фанови на Калиопи, а пејачот Жељко Јоксимовиќ им испрати куп емотикони и срциња во знак на поддршка, додека водителката и писателка Јелена Бачиќ Алимпиќ напиша „кралице моја“.