Грозни, главниот град на Чеченската република, утринава беше цел на напад со беспилотно летало  Според чеченскиопт лидер  Рамзан Кадиров.  дронот бил пресретнат над касарната на специјалниот полициски полк.

Никој не е сериозно повреден“. Со полесни повреди се здобиле четворица чувари. Дежурниот персонал бил во заштитени простории во моментот на нападот“, напиша Кадиров, припишувајќи го нападот на Вооружените сили на Украина.

Експлозијата го оштетила покривот и ги искршила стаклата, додека од паѓањето на остатоците настанал пожар кој брзо бил изгаснат. Кадиров го опиша инцидентот како „бедна акција“ и рече дека тоа само ја зајакнало решителноста на Чеченија.

Тој се закани дека резервните сили од 84.000 доброволци се „подготвени за мобилизација“, ветувајќи: „За овие четворица ранети ќе елиминираме 400 украински војници“.

Руското Министерство за одбрана соопшти дека 16 украински беспилотни летала биле пресретнати и уништени во текот на ноќта, вклучувајќи еден во Чеченија, три во Северна Осетија, четири во регионот Курск и осум над Крим.

Ова не е прв напад со дрон во Грозни. Минатата среда, на 4 декември, украинско беспилотно летало го погоди покривот на истата касарна на специјалниот полк и бензинска пумпа, при што беа повредени цивили.

❗️ Drones attack the territory of the Kadyrov special police regiment in Grozny, Chechnya. There are wounded

The barracks are less than 4 km from the residence of Chechen leader Ramzan Kadyrov. The same complex was attacked by a drone last Wednesday, December 4. pic.twitter.com/MWIADLyW38

— NEXTA (@nexta_tv) December 12, 2024

Добро упатени извори во украинските специјални служби, кои анонимно зборувале за Киев пост, го потврдиле нападот со дрон. Сепак, тие посочија дека тоа најверојатно го извршиле Дагестанците, гаѓајќи го Универзитетот на руските специјални сили, истакнувајќи дека тоа би можело да биде „продолжение на претходниот конфликт со силите на Кадиров“.