ВИДЕО: Јувентус ја совлада Верона и од „минус 15“ се врати во борбата за ЛШ
Иако сезонава им беа одземени 15 бодови, фудбалерите на Јувентус ќе се борат за место кое води следната сезона групите на Лигата на шампионите.
Вечерва Верона падна во Торино, беше 1:0 во 28 коло од Серија А, па „Старата дама“ која е седма на табелата стигна до 44 бода, што е само четири помалку од посакуваното четврто место кое го делат Милан и Аталанта и шест помалку од третопласираниот Интер.
Верона грчевито се бори за опстанок во елитата, односно се наоѓа на 18 позиција со 19 бодови.
Јуве не блескаше на овој меч, се мачеше во првото полувреме, а „бедемот“ на Верона се проби во 56 минута кога победата ја донесе Кин по асистенцијата на Локатели.
Претходно Кремонезе загуби дома од Аталанта (1:3), додека Фиорентина непријатно го изненади Интер на стадионот „Џузепе Меаца“.
🚨⚪️⚫️| Bremer misses a sitter. However Juventus won the game 1-0.
— GOALSbible (@goalsbibletv) April 1, 2023