ВИДЕО: Јуве нема тим за титула, „Старата дама“ не може ни против Верона
Денеска во рамките од 11 коло во најсилното италијанско првенство составот на Јувентус повторно ги разочара своите навивачи откако загуби на гостувањето кај Верона со 2:1.
Домаќините за период од 180 секунди во првото полувреме ги реализираа своите погодоци, поточно Симеоне беше двоен стрелец во 11 и 14 минута.
„Старата дама“ до крајот на средбата успеа само да го ублажи својот пораз во 80 минута преку МекКени.
Претходно заврши уште еден меч, со резултат 2:2 ремизираа екипите на Аталанта и Лацио.
Во генералниот пласман во Серија А лидери се Наполи и Милан со по 28 бодови, Аталанта е на петтата позиција со 19 бодови, веднаш пред Лацио кој има 18, а на седмото и осмото место по 15 бодови се Верона и Јувентус, а исто толку има и деветтопласираната Фиорентина.