Јута вез која во моментов е најдобар тим во НБА лигата, во дуелот со најдобриот тим во Источната конференција, ја совлада Филаделфија со 134:123.
Ова беше осма победа по ред за Јута, а вкупно 19. во последните 20 натпревари, а единствениот пораз го доживеаја од Денвер нагетс. Во натпреварот против Филаделфија која настапи без својот најдобар играч Џоел Ембид, Јута имаше проблеми сами во првата четвртина која ја загуби со 35:42, за во втората да дојдат до пресврт и на одмор за заминат со шест поени предност и до крајот на натпреварот го контролираше резултатот и не ја доведе во прашање победата.

Џордан Кларксон кој е главен фаворит за наградата за најдобра резерва, уфрли дури 40 поени, додека Донова Мичел даде 24 поени. Кај Филалдефија, во отсуство на Ембил, одговорноста ја презедоа Бен Симонс кој постигна 42 поени и Тобајас Херис со 36 поени.

Конечно проработе тандемот Кајри Ирвинг-Џејмс Харден кој е најзаслужен за победата на Бруклин над Сакраменто од 136:125. Натпреварот беше решен во второто полувреме, а Ирвинг постигна 40 поени, додека Харден оствари триплк-дабл од 29 поени, 13 скокови и 14 асистенции.

ЛА Клиперс иако играше без двајцата најдобри играчи, Каваи Ленард и Пол Џорџ, успеа да го совлада вицешампионот Мајами со 125:116. Маркус Морис ја презеде улогата на реализатор и со 32 поени беше најпрецизен во победничкиот тим, а одличен беше и Ивица Зубац со 22 поени. Џими Батлер со 30 и Бем Адебајо и Тајлеро Хироу со по 27 поени беа најзабележителни во редовите на Мајами.

Резултати:
Индијана – Чикаго 112:120
Вашингтон – Хјустон 131:119
Њујорк – Атланта 123:112
Јута – Филаделфија 134:123
Голден Стејт – Кливленд 129:98
ЛА Клиперс – Мајами 125:110
Сакраменто – Бруклин 125:136