ВИДЕО: Јута на една победа од полуфинале во Западната конференција
Доцна синоќа во четвртиот натпревар од првата рунда на Истокот екипата на Вашингтон славеше против Филаделфија со 122:114 за намалување на 3:1 во серијата.
Визардси до триумфот беа предводени од Бил со 27 поени, Хачимура 20 поени (13 скокови) и Вестбрук кој запиша 19 поени, 21 скок и 14 асистенции.
За Сиксерси доминираше Херис со 21 поен, следен од Мекси со 16, додека Ембид одигра 11 минути на паркетот и постигна осум поени.
Јута е на една победа од пласман во полуфиналето на Западната конференција, „џезерите“ повторно како гости триумфираа над Мемфис со 120:113.
Блескаше Мичел со 30 поени, шест помалку имаше Кларксон, а за Гризлис прв стрелец беше Морент со 23 поени, додека Брукс 21.
НБА лига, плеј-оф
Вашингтон визардс – Филаделфија сиксерс 122:114 (1:3)
Мемфис гризлис – Јута џез 113:120 (1:3)