Доцна синоќа се одиграа нови натпревари во НБА лигата, Јута која лани беше елиминирана уште во првата рунда од плеј-офот, сезонава најавува дека има амбиции да оди што подалеку.

„Џезерите“ ја забележаа и 22 победа, седма победа по ред, овојпат славеа над Мајами Хит со резултат 112:94. Мичел блескаше во триумфот со 26 поени, а на спротивната страна за „жешките“ прв стрелец беше Нан со 23 поени.

Моментно во Западната конференција составот на тренерот Куин Снајдер се наоѓа на првото место со учинок 22-5, пред второпласираниот Лос Анџелес Лејкерс (21-6).

После заминувањето на главната ѕвезда Харден (во Бруклин Нетс), сега прашање е дали Хјустон, кој лани стигна до полуфиналето на Западот, има сила да дојде барем до плеј-офот..

Загубија и од Њујорк (121:99), тоа е за нив веќе 15 пораз (петти во низа) за моментно 13 место, недоволни беа одличните партии на Вол (26 поени) и Гордон (24 поени, шест асистенции). Никси, кои се четвртопласирани на Истокот, беа предводени од Квикли и Рендл (девет скока) кои постигнаа по 22 поени.

НБА, резултати –

Феникс Санс-Филаделфија Сиксерс 120:111
Атланта Хокс-Индијана Пејсерс 113:125
Њујорк Никс-Хјустон Рокетс 121:99
Голден Стејт Вориорс-Бруклин Нетс 117:134
Јута Џез-Мајами Хит 112:94