Откако градоначалничката Данела Арсовска ги обвини приватните превозниците дека пет години немаат прикажано продажба на билети и дека немаат фискални апарати, па поради тоа сториле тежок криминал, тие одговорија дека станува збор за лага затоа што во возилата на „Слобода превоз“ и „Макескпрес“ не се продаваат билети, туку во автобусите на ЈСП „Скопје“.

Првиот човек на „Слобода превоз“, Ленин Јовановски, отиде чекор подалеку па со видео – снимка покажа како изгледа продажбата на билети во автобусите на ЈСП.

Велат на лагата и се кратки нозете, а јас велам некому му е краток паметот, а долг јазикот. Видео запис во автобус на ЈСП во кој нема фискален апарат , а возчот ми продаде билет за кеш без да ми издаде фискална сметка. Ова нешто е пракса во секој автобус на ЈСП , каде возачите од директорот на ЈСП се принудени ова незаконито продавање да го прават баш вака. И сеа МАЌЕО шу праиме ? КРАДЕЦОТ ВИКАЛ НА ЦЕЛ ГЛАС ДРЖТЕ ГО КРАДЕЦОТ !!! – напиша Јовановски на фејсбук, објаснувајќи го видео-записот.