Никола Јокиќ беше најдобар поединец на мечот меѓу Денвер и Детроит, кој им припадна на Нагетси со резултат 117:111.

Актуелниот МВП на НБА лигата беше многу блиску до нов „трипл-дабл“ учинок, но му донесе уште еден триумф на својот тим. Натпреварот го заврши со 34 поени, девет скока, осум асистенции, две украдени топки и една блокада.

Во текот на третата четвртина Денвер успеа да се одлепи, имаше максимални „+16“ разлика, што не му беше доволно мирно да го приведе натпреварот кон крајот.

Детроит се врати во финишот, а во последната минута го израмни резултатот на 111:111. Потоа на сцена стапи Јокиќ, кој двапати беше фаулиран, искористи четири „пенали“, а триумфот од линијата за слободни фрлања го потврди и Монте Морис.

34 PTS | 9 REB | 8 AST

Just another night at the office for the MVP 🃏 pic.twitter.com/1OEDhVMHz7

— Denver Nuggets (@nuggets) January 24, 2022

Покрај Јокиќ, во редовите на Денвер двоцифрен беше и Бартон со 14 поени, Гордон додаде 13. Кај Пистонси најефикасни со по 18 поени беа Канингем, Џозеф и Лајлс.

Денвер продолжи со променливите игри, има скор 24-21 и моментално е шести на Западот. Од друга страна, ова за Детроит е 35. пораз сезонава и го држи претпоследното место на Истокот.

НБА ЛИГА – РЕЗУЛТАТИ

Њујорк – Лос Анџелес Клиперс 110:102
Вашингтон – Бостон 87:116
Мајами – ЛА Лејкерс 113:107
Орландо – Чикаго 114:95
Торонто – Портланд 105:114
Шарлот – Атланта 91:113
Сан Антонио – Филаделфија 109:115
Далас – Мемфис 104:91
Денвер – Детроит 117:111
Минесота – Бруклин 136:125
Голден Стејт – Јута 94:92