Кошаркарите на Денвер се радуваа на победа против Далас со 122-120, а одново централна фигура во редовите на домаќините беше Никола Јокиќ.

По голема борба Нагетси дојдоа до победата, а на гостите не им беше доволни ниту 43 поени на Кајри Ирвинг кој беше најдобар поентер на натпреварот. Сепак, најдобар на теренот беше Јокиќ со трипл-дабл од 37 поени, 18 скока и 15 асистенции. Солиден натпревар одигра и Лука Дончиќ кој оствари ефект од 24 поени, девет скока и исто толку асистенции. Натпреварот се решаваше во последните моменти за шут за три поени во последните моменти промаши Ирвинг.

Победа на домашен терен забележаа и Лос Анџелес лејкерс против Торонто со 123-103. Домаќините беа предводени од главното трио Остин Ривсс, Ентони Дејвис и Леброн Џејмс. Ривс средбата ја заврши со 27 поени, Дејвис додаде 22, а Леброн дојде до трипл-дабл од 19 поени, 16 асистенции и 10 скока.

Шампионот Бостон се радуваше на гости кај Милвоки (107:113). Јанис Адетокумбо немаше сили сам да донесе позитивен резултат за својот тим завршувајќи ја средбата со 43 поени и 13 скока. Џејсон Тејтум натпреварот го заврши со дабл-дабл од 31 поен и 12 скока.

НБА РЕЗУЛТАТИ:
Орландо – Вашингтон 121:94
Минесота – Мајами 94:95
Оклахома – Голден Стејт 116:127
Филаделфија – Шарлот 107:105
Денвер – Далас 122:120
Феникс – Сакраменто 118:127
Портланд – Мемфис 89:134
ЛА Лејкерс – Торонто – 123:103