ВИДЕО: Јокиќ со нов „дабл-дабл“ учинок, Денвер го урна и Торонто!
Никола Јокиќ продолжи да го предводи тимот на Денвер и во победата над Торонто доцна синоќа во НБА лигата со резултат 121:111.
Овојпат српскиот центар не беше најефикасен играч, натпреварот го заврши со нов „дабл-дабл“ учинок од 19 поени и 11 скока.
Поефикасен од неговите тимски колеги беше само Мајкл Портер со 23 поени (седум скока), а на спротивната страна за Репторси доминираше Оџи Ануноби со 25 коша.
Играчите на Далас без Лука Дончиќ го надиграа тимот на Детроит со 115:105. Маверикси дојдоа до триумфот најмногу благодарение на фантастичниот Тим Хардавеј Јуниор кој постигна 41 поен.
Први стрелци кај Пистонси со по 20 поени беа Џексон и Стјуарт, овој вториот додаде осум скока.
НБА лига, резултати –
Детроит – Далас 105:115
Индијана – Бруклин 113:130
Хјустон – Милвоки 143:136
Минесота – Голден стејт 126:114
Денвер – Торонто 121:111
Оклахома – Њу Орлеанс 95:109