ВИДЕО: Јокиќ со фантастичен „трипл-дабл“ го урна шампионот!
Кошаркарите на Денвер доцна синоќа во НБА лигата на домашен терен го совладаа актуелниот шампион Лос Анџелес Лејкерс со 122:105.
Во центарот на вниманието во минатогодишното финале на Западната конференција беа Никола Јокиќ во дресот на Нагетси и Леброн Џејмс во редовите на „езерџиите“.
Српскиот центар го заврши дуелот со 23 поени, 16 скока и 10 асистенции (поефикасен беше само Џамал Мареј со 25 коша), додека „кралот“ Џејмс запиша 22 поени, 10 скока и девет асистенции, но тоа не беше доволно, па така заврши низата од седум победи по ред на Лејкерси.
НБА шампионите се моментно второпласирани на Западот со 21 триумф и седум порази, додека Денвер е седмопласиран со учинок 15-11.
НБА, резултати –
Вашингтон Визардс – Бостон Селтикс 104-91
Торонто Репторс – Минесота Тимбервулвс 112-116
Шарлот Хорнетс – Сан Антонио Спарс 110-122
Детроит Пистонс – Њу Орлеанс Пеликанс 123-112
Далас Маверикс – Портланд Трејл Блејзерс 118-121
Оклахома Сити Тандер – Милвоки Бакс 114-109
Феникс Санс – Орландо Меџик 109-90
Денвер Нагетс – Лос Анџелес Лејкерс 122-105
Сакраменто Кингс – Мемфис Гризлис 110-124
Лос Анџелес Клиперс – Кливленд Кавалирс 128-111