Денвер беше подобар тим во првите две четвртини, имаше и двоцифрена предност, но сепак на пауза замина со 52:43. Кошаркарите на Далас не се откажуваа и со голема борбеност успеаја да се вратат во игра во завршницата од третата четвртина кога негативата изнесуваше само два поени.

Во последната четвртина се водеше голема борба во која и двете екипи се менуваа во водството. На три секунди до крајот Клебер погоди тројка за водство на Далас од 109:107. Денвер го однесе натпреварот во продолжението од пет минути благодарение на Никола Јокиќ кој беше прецизен во последниот напад.
Сепак во продолжението, поприсебни беа кошаркарите на Далас кои дојдоа до победата, а свој печат стави Лука Дончиќ кој во последните моменти постигна четири поени по ред.
Најефикасен во редовите на Далас вообичаено беше Дончиќ со 38 поени, 9 скокови и 13 асистенции, додека кај Денвер, Никола Јокиќ имаше 38 пени и 11 скокови.

Само два дена откако Сан Антонио го совлада ЛА Клиперс, тимот предводен од тренерот Грег Попович го совлада и вториот тим од Лос Анџелес, Лејкерси со 118:109 и ја прекина серијата од четири победи на шампионите.
Ламаркус Олдриџ со 28 пени беше најдобар кај „мамузите“, додека кај шампионот Леброн Џејмс постигна 27 поени, а Ентони Дејвис 23 поени и 10 скокови.

Демиен Лилард со 39 поени е најзаслужен за победата на Портланд од 135:117 над Минесота. Во четвртиот триумф на Портланд голем удел имаше и Јусуф Нуркиќ со 17 поени.

Во дербито на Источната конференција, Бруклин со 122:109 ја совлада Филаделфија која пак ја прекина серијата од дури шест победи во низа. Најдобар кај Бруклин беше Џо Херис со 28 поени.

Резултати:
Бруклин – Филаделфија 122:109
Мемфис – Кливленд 90:94
Денвер – Далас 117:124
ЛА Лејкерс – Сан Антонио 109:118
Портланд – Минесота 135:117