ВИДЕО | Ја изгубила чантата во 1954 година, по 60 години ѝ ја вратиле недопрена!
Порталот „Дали се сеќаваш“, кој е опишан како „најголемата заедница на носталгичари и вљубеници во 40-тите, 50-тите и 60-тите години“, објави приказна која брзо стана вирална.
Имено, во далечната 1954 година, една девојка ја изгубила чантата, а истата била пронајдена шест децении подоцна, речиси недопрена! При рушењето на средното училиште во Индијана, некој ја нашол зад старото шкафче.
Да не биле работите пронајдени во чантата, тешко би било да се процени од кој период и година е изгубена чантата, земајќи ја предвид модата која постојано се враќа.
Меѓутоа, пронајдените предмети во чантата, меѓу кои и личната карта, докажуваат дека се работи за чантата на Мартина од 1954 година.
Покрај личната карта и картичката за социјално осигурување, внатре биле и исечоци од статии во весници, распоред за кошарка во средното училиште Џеферсон од 1953-1954 година, кармин, обвивки за гуми за џвакање „Џуси фруит“, распоред на автобуси и неколку пораки напишани на парчиња хартија.
Личноста која ја пронашла чантата, поставила објава на Фејсбук, а благодарение на технологијата набрзо е вратено во рацете на сопственичката која живее на Флорида.