ВИДЕО | Израел за два дена ја нападна Сирија 480 пати
Падот на режимот на Башар ал Асад во Сирија предизвика интензивен израелски воен одговор, вклучувајќи воздушни и копнени операции низ Сирија. Израелските сили изведоа околу 480 напади во изминатите два дена, насочени кон стратешки воени објекти, додека израелската морнарица ја гаѓаше сириската флота.
ОН ги критикуваат потезите на Израел
Израелскиот министер за одбрана Израел Кац ја опиша операцијата како „голем успех“, додека премиерот Бенјамин Нетанјаху го поздрави падот на режимот на Асад како „ново и драматично поглавје“.
Нетанјаху изјави дека ваквиот развој на настаните е резултат на израелските напади врз Хамас, Хезболах и Иран и дека геополитичката слика на Блискиот Исток се менува. Иако израелските власти сметаат дека падот на Асад е позитивен поради неговите врски со Иран и Хезболах, тие се загрижени за иднината на Сирија, пишува Си-ен-ен.
Israel launched last night its biggest aerial attack in #Syria of the past 50 years.
100+ airstrikes ware carried out from Suwayda to Latakia province.
Warplanes, air defenses, ammo depots were massively struck in those areas.
The Syrian Navy was also sunk in Latakia ports (vid). pic.twitter.com/Bl8HAfA7Cw— Qalaat Al Mudiq (@QalaatAlMudiq) December 10, 2024
Министерот за надворешни работи Гидеон Шар изјави дека Израел напаѓа објекти со хемиско оружје и ракети со долг дострел за да ги спречи да паднат во рацете на екстремистите.
„Што доаѓа после тоа останува нејасно“, рече Шар, додавајќи дека Израел ги презема сите можни чекори за да ја обезбеди својата безбедност во оваа нестабилна ситуација.
#Israel‘s massive #attack on #Syria. Israel destroyed Syrian military ships, Israel is planning to occupy western Syria.#BasharAssad_Tahrir al-Sham pic.twitter.com/0SKVdI990I
— ali (@aliakbar313333) December 10, 2024
ОН и значителен дел од меѓународната заедница ги критикуваат потезите на Израел, кои ги сметаат за нарушување на територијалниот интегритет на Сирија и поттикнување на натамошна нестабилност во земјата. Од 1967 година Израел ја окупира Голанската висорамнина на тројната граница меѓу Израел, Либан и Сирија, а за време на владеењето на Асад извршуваа напади врз Сирија.
