ВИДЕО | Изненадување во Ла Лига: Виљареал го сруши Реал Мадрид!
Реал Мадрид во натпреварот во кој за првпат во 21. век немаше Шпанец во стартниот состав доживеа пораз од Виљареал со 2:1.
Првите 45 минути донесоа одличен фудбал со неколку прилики и на двете страни, но мрежите мируваа. По само две минути игра во второто полувреме Пино ја погоди мрежата на Куртоа за водство на домаќините.
До изедначување „кралевите“ стигнаа на истекот на еден час игра кога по реакција на ВАР добија пенал кој во гол го претвори Карим Бензема. Само три минути подоцна на ист начин Виљареал преку Морено се врати во водство. Видовме по некоја прилика и на двете страни до крајот, сепак резултатот не се промени и Виљареал ги освои бодовите од овој натпревар.
Барселона сега има прилика да направи предност од три бода на врвот на табелата, но Каталонците утре ги чека тешко гостување кај Атлетико Мадрид.