Повторно во бугарското Народно Собрание ексалираа тензии и за малку не дојде до тепачка, објавија бугарските медиуми нагласувајќи дека повторно во центарот на случувањата се пратениците од „Продолжуваме со промените“ и „Преродба“.

Овојпат главни актери беа Искрен Митев, кому не му е првпат да се судри со колегите од „Преродба“ и Цончо Ганев.

По размена на реплики, претседателот на Собранието, Мирослав Иванов, го предупреди Ганев дека ќе го избрка од салата.

-Повторно нема да се занимаваме со панаѓури и недолично однесување на народните избраници“, рече Иванов.

ВИДЕОТО ПОГЛЕДНЕТЕ ГО ТУКА

Од салата се слушаа и и извици: „Повикајте психијатри“.

Од собраниската говорница на претседателот на Народното собрание му се обрати лично лидерот на „Преродба“ Костадин Костадинов.

„Пред малку имавте многу грда инцидент и бевме сведоци на тоа, го слушнавме. Нема да ги повторам грдите зборови што ги кажа еден од народните избраници – се вика Искрен Митев. Ова не е првпат, туку рецидив. Не е важно кон кого е кажано. Никој не може да пцуе во оваа сала и ве молиме преземете мерки. Ова е апсолутно неподносливо“, рече Костадинов.

Инцидентот пред очите на Нинова

Инцидентот се случи во моментот кога на говорницата во бугарското собрание излезе претседателката на БСП Корнелија Нинова и вицепремиер во оставка во владата на Петков, во екот на расправата за одлуката за протерувањето на руските дипломати од Бугарија и импликациите на овој чекор врз државата.

Нинова во Народното собрание го повика претседателот Радев да го разреши првиот човек на Државната агенција за национална безбедност (ДАНС).

Таа побара и од министерката за надворешни работи Теодора Генчовска да ја повлече одлуката за протерување на руските дипломати, што е во рамките на нејзините овластувања. Таа побара да биде разрешен и заменик министерот за надворешни работи кој ја потпишал одлуката за нивно протерување.

Нинова исто така го повика Радев да направи вистинска проверка на 70-те дипломати, а за оние за кои постојат реални докази за шпионска активност да бидат протерани.

Таа коментираше дека моменталната состојба може да доведе до реална закана за Бугарија.