ВИДЕО: Италијанците во реклама дотурија „сол во раните“ на Англичаните од Евро 2020
Поминаа три месеци од големиот успех на италијанската репрезентација која ја освои титулата на Европското првенство.
Во големото финале во Лондон ја совлада селекцијата на Англија после пенал серијата со резултат 3:2 (1:1 во регуларните 90 минути).
Италијанските навивачи непосредно после завршниот меч на Евро 2020 им дотурија сол на раните на англиските фанови дека „фудбалот се враќа во Рим“ (it’s coming to Rome) по англискиот легендарен слоган „фудбалот се враќа дома“ (Football’s coming home).
А овие денови италијанските фудбалери се потсетија на овој триумф уште еднаш овојпат во една интересна реклама.
— . (@ObK8c7Y7lzWBBet) October 14, 2021
Имено, италијанската пошта направи реклама во која главни актери се хероите од ЕП, селекторот Манчини и неколку фудбалери кои во улога на поштари, на крајот од ова видео, му ја испорачуваат нарачката на Манчини.
Пред вратата се Жоржињо, Бонучи и Локатели, а она што носат е оброк за селекторот – англиска супа.