Од сезоната 2011/2012 гледавме само доминација на Јувентус, пред истата да започне во 2010/2011 на тронот беше Милан.

Девет години подоцна повторно имаме шампион кој доаѓа од градот Милано, но овојпат „неро-аѕурите“ се тие кои ја слават титулата.

Составот на Антонио Конте вчера ја заврши својата задача со победата над Кротоне, а денеска чекаа кикс на Аталанта и тоа се случи откако клубот од Бергамо ремизираше 1:1. За Интер ова е вкупно 19 Скудето во неговата историја, прво од сезоната 2009/2010.

Денеска во 34 коло се одиграа уште две средби, Наполи одигра само нерешено 1:1 со Каљари, кај домаќините од 81 минута настапи македонскиот репрезентативец Елиф Елмас како замена за Руиз, а немаше победник и на мечот Болоња-Фиорентина (3:3).

🤩⚫🔵 https://t.co/YiuaXfr70i

— Inter (@Inter_en) May 2, 2021

На табелата Интер е на првото место со 82 бодови, пред Аталанта и Милан кои имаат по 69, следува Наполи со 67, петтопласиран е Јувентус (66), на шестата позиција е Лацио (64)…дефинитивно очекуваме голема борба за место во Лигата на шампионите.

ВИДЕО: Гол-шоу на „Олимпико“ без Пандев, Лацио не се откажува од ЛШ!