ВИДЕО | Инзаги на раб на отказ: Рома и без Мурињо славеше во Милано
Во дербито на осмото коло во италијанската Серија А, Рома како гостин славеше над Интер со резултат 1:2.
Интер на „Џузепе Меаца“ повторно ги разочара своите навивачи, а со вечерашниот пораз. Тренерот Симоне Инзаги дојде на раб на отказ и не е исклучено Интер многу брзо да реагира и да го отпушти.
Иако без суспендираниот Жозе Мурињо кој мораше овој натпревар да го гледа од трибините, римската волчицата одигра одличен натпревар и на крајот дојде до важна победа со која се искачи на четвртото место на табелата со 16 бодови.
Интер кој е на седмата позиција на табелата со само 12 бодови добро го отвори натпреварот. Мрежата на Рома се затресе во 10. минута. Един Џеко постигна гол против својот поранешен клуб, но набрзо тој беше поништен од ВАР.
Сепак, Интер беше тој кој дојде прв до водство и тоа во 30. минута. Барела одлично нафрли, а Димарко добро се снајде и погоди. Во 39. минута Паоло Дибала погодува за изедначување и ги враќа работите како на почетокот.
Иако Интер изгледаше поконкретно на теренот Рома во 75. минута преку Смолинг стигнува до водство. Во продолжение Интер се обидуваше да го избегне поразот, но не успеа па трите бода Рома ги однесе во Рим.