Во вторникот се одиграа девет натпревари во рамките од второто коло во фудбалската Лига на шампионите.

Во дербито на колото одиграно на „Емирати“ стадионот во Лондон екипата на Арсенал со 2:0 триумфираше над ПСЖ.

Головите за англискиот претставник ги реализираа Хаверц во 20 и Сака во 35 минута.

На стадионот „Џузепе Меаца“ во Милано составот на Интер убедливо со 4:0 ја совлада Црвена звезда.

Првиот гол за Италијанците го постигна Чалханоглу во 11 минута, предноста ја зголеми Арнаутовиќ во 59 минута, за 3:0 се погрижи Мартинез Л., а конечниот епилог го постави Тареми од пенал во 81 минута.

Барселона на домашен терен ја оправда фаворитската улога против Јанг Бојс (5:0). Двоен стрелец беше Левандовски во осмата и 51 минута, по еден погодок имаа Рафиња во 34 и Мартинез И. во 37 минута, а автогол во 81 минута си постигна Камара.

Во другите мечеви: Салцбург – Брест 0:4, Штутгарт – Спарта Прага 1:1, Баер Леверкузен – Милан 1:0, Дортмунд – Селтик 7:1, ПСВ – Спортинг 1:1, Слован Братислава – Манчестер сити 0:4.