ВИДЕО: Интер повторно на врвот во Серија А, на потег е Милан!
Интер во 21 коло од италијанската Серија А како гостин ја совлада Фиорентина со резултат 0:2 на стадионот „Артемио Франки“.
„Неро-аѕурите“ одиграа многу добар натпревар и на крајот дојдоа до трите бода на незгодното гостување во Фиренца. Николо Барела на Интер му донесе предност во овој меч, убаво реализираше после половина час игра (0:1).
Имаше уште доста шанси да се постигнат нови погодоци во првото полувреме, но на одмор се замина со минимално водство на миланската екипа.
После седум минути игра во понатамошниот период клубот од „Џузепе Меаца“ дојде и до вториот гол, односно прекрасна акција завршува Перишиќ за поставување на конечниот епилог.
Интер повторно е лидер во генералниот пласман со 47 бодови, еден повеќе од второпласираниот Милан кој својата средба во шампионатот ќе ја има в недела на домашен терен против Кротоне.