После трите победи по ред денеска во 12 коло од италијанската Серија А Наполи загуби на гостувањето кај Интер со 1:0.

Клучниот момент на „Џузепе Меаца“ во Милано се случи во 71 минута кога главниот судија покажа на белата точка, Инсиње доби црвен картон поради прекршокот во казнетиот простор.

Прецизен од пенал беше белгискиот интернационалец Лукаку за вкупно петти триумф во низа (осми сезонава). Македонскиот репрезентативец Елиф Елмас настапи од 85 минута како замена за Германецот Деме.

Џенова на домашен терен одигра реми 2:2 против Милан, кај домаќините во составот не беше Горан Пандев поради повреда на грбот.

Во другите мечеви: Фиорентина-Сасуоло 1:1, Парма-Каљари 0:0, Специја-Бoлоња 2:2 и Верона-Сампдорија 1:2. На табелата Наполи е на четвртото место со 23 бодови, додека Џенова и натаму е во опасната зона за испаѓање од лигата, на 18 место со седум бодови.

ВИДЕО: Јуве само до бод, Роналдо утна пенал, се посрамоти Мората!