ВИДЕО: Интер ја „прегази“ Болоња, Пандев со минутажа против Фиорентина

„Нераѕурите“ ја забележаа третата победа сезонава во Серија А/Милано, Италија/18 септември 2021/Фото: EPA-EFE/MATTEO BAZZI

Денеска во четвртото коло од најсилното италијанско првенство составот на Интер предводен од тренерот Симоне Инзаги на стадионот „Џузепе Меаца“ со убедливи 6:1 славеше над Болоња.

На теренот во Милано сите дилеми околу победникот беа решени уште во првото полувреме кога „нераѕурите“ стрелаа преку Мартинез, Шкринијар и Барела.

Весино реализираше во 54 минута, а следните два погодоци беа дело на босанскиот интернационалец Џеко.

Болоња успеа само да го ублажи својот прв пораз во 86 минута со голот на Тит после асистенцијата на Бароу.

На табелата води Интер со 10 бодови, а три помалку има екипата на Синиша Михајловиќ на седмото место.

Џенова загуби од Фиорентина со 1:2, на стадионот „Луиџи Ферарис“ за домашната екипа од 53 минута настапи македонскиот напаѓач Горан Пандев како замена за Дестро.

Видео на денот