Денеска во рамките од петтото коло во најсилното италијанско првенство екипата на Интер славеше со 0:2 против тимот на Џенова. Целиот натпревар за домаќините на стадионот „Луиџи Ферарис“ го одигра македонскиот репрезентативец Горан Пандев.

Головите за „неро-аѕурите“ беа реализирани во текот на второто полувреме, дело на првиот погодок беше Лукаку во 64 минута по додавањето на Барела.

Конечниот епилог беше поставен во 79 минута, после еден изведен корнер скокна Ранокиа кој со глава асистираше до Д`Амброзио кој од непосредна близина ја затресе мрежата на Перин.

За составот предводен од тренерот Антонио Конте ова беше вкупно трета сезонава за моментно трето место со 10 бода, два помалку од водечкиот Милан кој својот меч треба да го одигра в понеделник во дербито со Рома.

Џенова после вториот пораз во шампионат има четири бода на 15 позиција во генералниот пласман. Во саботната програма се одигра и дуелот Аталанта-Сампдорија, гостите ги освоија трите бода триумфирајќи со 1:3.