Сите ја видоа Барселона пред елиминација од Кралскиот куп, но на крајот каталонскиот гигант ја оправда фаворитската улога иако многу потешко од очекувањата, триумфирајќи со 3:5 против Гранада по продолженијата.

Гранада водеше со головите на Кенеди (33`) и Солдадо (47`), домаќинот беше многу блиску до пласман во полуфиналето, но во финишот ја испушти предноста.

Најпрвин намали Гризман после асистенцијата на Меси (88`), а потоа и Французинот беше асистент на погодокот на Алба (90+2`), по што мечот отиде во продолженија.

А таму нови погодоци на средбата, Гризман го реализираше и вториот погодок (100`) сега за водство на Барса од 2:3, но изненадувачки и домаќинот не се предаваше и се погрижи за нов егал преку Феде од пенал. Составот на Куман собра нови сили и конечно успеа да го скрши отпорот на ривалот, де Јонг и Алба го поставија конечниот епилог.

Претходно пласман во полуфиналните борби обезбедија уште Севиља и Леванте на нашиот Енис Барди, а последниот учесник после утрешната пресметка помеѓу Бетис и Атлетик Билбао.

ВИДЕО: Барди и Леванте слават полуфинале во Кралскиот куп!