Над 10 лица се спасени во саботата по силниот земјотрес кој ја погоди областа Измир на егејското крајбрежје на Турција.

Турската агенција Анадолија објави дека еден човек е извлечен жив и по 30 часа од земјотресот.

Претходно од под урнатините на падната зграда е извлечен маж, 26 часа по земјотресот.

Хелим Сари е извлечен по 17 часа поминати под рушевините.

Мајка и нејзините 3 деца исто така се спасени по 23 часа затрупани под урнатините од разорниот земјотрес.

Во катастрофалниот земјотрес загинаа најмалку 28 лица, а 885 се повредени кога Измир се разниша од потресот со јачина од 6,6 степени.

Турскиот претседател Реџеп Таип Ердоган денеска го посети местото што беше погодено од земјотресот и ги надледуваше спасувачките операции на теренот како и расчистувањето на урнатините од страна на специјалните служби.

Извор: Anadolu Agency AA

ВИДЕО: Мајка и нејзините три деца извадени живи после 24 часа минати под урнатините во Измир