11 C
Скопје

ВИДЕО I Ѕвездан Георгиевски: Проблемите во културата произлегуваат од лошо поставениот систем

Во тек е изборот за престижната книжевна награда „Роман на годината“ кој го организира Фондацијата „Славко Јаневски“. Името на лауреатот ќе биде објавено на 15 март оваа година. Во изминатите 21 година стана најпрестижна книжевна награда и заради транспарентноста на процесот на селекција.

– Со текот на годините се виде дека овој транспарентен принцип на работа е многу ефикасен во смисла на тоа што зад оваа награда никогаш немало некакви сомнежи, озоборувања или оспорувања на одлуките на жири комисијата. И мислам дека поради тоа, оваа награда го најде своето место на македонската културна и книжевна сцена, вели Ѕвездан Георгиевски, новинар и претседател на Фондацијата „Славко Јаневски“, за „Утрински брифинг“.

Моментната ситуација со стопирање на сите исплати за проекти од Министерството за култура поради одлуката за ревизија, Георгиевски вели дека ја гледа како системска грешка.

Прочитајте и...  Протест во Атина за поддршка на барањата на осудениот грчки терорист Куфодинас

– Се имплицира дека во Министерството за култура е направен некој финансиски криминал или злоупотреба на положба, но тоа мене како корисник и како потписник на договор и рамноправен учесник во тој договор не треба да ме интересира. И ако јас сум ги исполнил обврските од договорот, тогаш е фер Министерството за култура да ги исполни своите обврски кон тој договор. Но, има и друг проблем: јас како потписник на тој договор заедно со Министерството, можам да бидам и тужен и суден и подложен на нивни инспекции, итн. Но, јас, пак, немам никаква правна заштита ако Министерството не ги исполни условите на договорот. На пример, Фондацијата загуби два проекта затоа што договорот со Министерството го потпишавме на 20 мај, а проектите требаше да се завршат до 15 ноември, библиотеките беа затворени заради коронавирус и немавме пристап до нив. Сега ако Министерството не ги исполни обврските од договорот, кому можам да се пожалам? – Никому, вели Георгиевски.

Прочитајте и...  Левица очекува стручно мислење од Венецијанска комисија околу вметнувањето на етничка припадност во личните карти

Целиот разговор со Ѕвездан Георгиевски можете да го погледнете во видеото:

Поврзани вести

ЕУ го повика кубанскиот амбасадор да го објасни потписот на контроверзното писмо на Бајден

Слободен печат

Мјанмар го отповика амбасадорот во ОН

Слободен печат

Екс премиерот Љубчо Георгиевски: 5 политичко-дипломатски предлози како да се подобрат македонско – бугарските односи

Слободен печат

Медиумите во Полска се плашат од „државен удар“

Џејмс Шотер/Financial Times

Повеќето земји во Европа воведуваат или го продолжуваат затворањето

Слободен печат

САД ќе воведе специјални мерки за патниците од африканските земји погодени од ебола

Слободен печат

Остави Коментар