Најмалку 20 сантиметри снег падна денес во Милано и во западниот дел на регионот Ломбардија. Лошите временски услови во Италија си го направија своето. Паднатите дрвја го нарушија транспортот во економскиот главен град на Италија. Седумдесет и шестгодишен бездомник е пронајден на улица под снегот. Тој подоцна починал во болница.

#Milan #Duomo at 6 am in the #snow pic.twitter.com/kAaQ1GMm3L

— paola nurnberg (@PAOLANURNBERG) December 28, 2020

Здравствените служби соопштија дека три лица доживеале срцев удар додека чистеле снег од тротоарите пред нивните домови.

Локалните власти мобилизираа десетици чистачи на снег за расчистување на големите артерии, но многу мали улици останаа недостапни. Некои трамвајски линии беа запрени со часови.

Шефот на градскиот сообраќај Марко Гранели рече дека приоритет за властите е отстранување на паднатите дрвја и расчистување на влезовите во болниците, здравствените установи и местата за тестирање на коронавируси, објави Ројтерс.

Milan woke up to a thick blanket of snow, disrupting anyone trying to get back to work after the strict Christmas lockdown https://t.co/VTrNKG3uOF pic.twitter.com/uoo435PjE6

— Reuters (@Reuters) December 28, 2020

Локдаунот што ги држеше Италијанците во своите домови во периодот од 24-27 декември беше олеснет во понеделникот, овозможувајќи им на луѓето слободно да се движат низ нивните градови дури и додека повеќето услуги остануваат затворени или строго ограничени.

#snow ❄ in Milan today ? pic.twitter.com/FvjREccUYC

— Azhar Uddin Khan (@AzharUddinPTI) December 28, 2020

Лошите временски услови доведоа до проблеми и во сообраќајот на автопатот А26 во правец кон Џенова, каде што е најголемото пристаниште во Италија. Зафатен е и сообраќајот на возови и одложувањата на моменти надминаа два часа, главно поради паднати дрвја на пругите.

Some Decent Snow in Milan overnight ?? pic.twitter.com/lsVd4xrWhp

— Pete White (@PeteWhite5000) December 28, 2020

Тунелот Гран Сен-Бернард на границата со Швајцарија беше затворен за тешки товарни возила.