ВИДЕО: И Шпанија со мундијалска виза
Репрезентацијата на Шпанија стана осмата европска репрезентација која обезбеди пласман на Светското првенство во Катар кое ќе се игра идната година.
Во директната пресметка со Шведска за првото место во групата Б, „црвената фурија“ славеше со минимални 1:0 и со 19 бода го освои првото место.
Човек на одлука беше Алваро Мората кој единствениот гол го постигна во 86 минута по асистенцијата на Дани Олмо.
Покрај Шпанија, пласман на Мундијалот во Катар од европските селекции обезбедија уште и Србија, Франција, Белгија, Данска, Хрватска, Англија и Германија.