Романската фудбалска лига сигурно не е меѓу најсилните и најатрактивните во Европа, но сцената која се случи вчера е вистински хит во медиумите.
Имено, фудбалер трчаше по клупскиот автобус бидејќи бил заборавен на стадион.
Екипата на Клуж славеше со 1:0 на гостувањето кај Академија Клинчени, ги освои бодовите, но го заборави својот играч. Очигледно дека еуфоријата по освојувањето на трите бодови со кои останаа на првото место на табелата беше толку голема по што никој не примети дека во автобусот го нема фудбалерот Овидиу Хобан.
Вистински хит е видеото на кое се гледа како Хобан трча по автобусот и мавта со рацете, но автобусот му избега. За негова среќа, застана еден автомобил и му помогна да го стигне клупскиот автобус.

The amazing video of the day in Romania.
CFR’s bus forgot midfielder Hoban at the stadium in Clinceni. pic.twitter.com/JyMBIgafNA

— Emanuel Roşu (@Emishor) May 6, 2021