Бугарскиот премиер ја користи секоја прилика во јавноста за додворување до гласачкото тело во пресрет на претстојните парламентарни избори. Па, така не ја прокоцка ниту денешната за време на обиколката на градежните работи за реконструкција на автопарот Чирпан – Стара Загора.

На еден од работниците, за време на присуството на високиот гостин, му падна во очи палтото на Борисов и гласно го пофали.

– Што ви убаво палтото. И јас сакам да си купам едно вакво, дофрли работникот кон Борисов.

Борисов не чекаше премногу да направи гест што преку камерите ќе ја обиколи цела Бугарија. Се заврте кон своите соработници и ги праша дали има друго палто во автомобилот додека го соблекуваше тоа што го носеше на себе и му го подари на работникот што беше дочекано со аплуаз од останатите кои работат на автопатот.

– Нека ти е алал. Само да проверам по џебови. Ќе ти ја оставам запалката, ама ќе си ја земам маската, му рече Борисов.