ВИДЕО | Хирург во Франција обвинет за силување 299 деца
И покрај пресудата за детска порнографија во 2005 година, Ле Суарнек продолжил да работи во државните болници до неговото апсење во 2017 година.
На 24 февруари, 74-годишниот француски хирург Жоел Ле Суарнек ќе се појави пред судот во Ван, во регионот Бретања, обвинет за силување на 299 деца, што е најголемиот случај за сексуална злоупотреба на деца во француската историја.
Препорачано
Истрагата започна во 2017 година кога полицијата во Западна Франција го пребарала домот на хирургот Ле Суарнек по силувањето на шестгодишното момче од соседството и таму пронашле скриено место полно со кукли на надувување, перики и детска порнографија.
Полицијата соопшти дека открила електронски дневници, кои се чини дека детално ги прикажуваат силувањата и сексуалните напади на стотици негови млади пациенти во болниците во областа во период од речиси три децении.
Во 2020 година, Ле Суарнек беше осуден за силување и сексуален напад врз синот на неговиот сосед, како и врз неговите двајца внуци и четиригодишен пациент. Сепак, истрагата продолжи за наводните жртви што беа пронајдени во неговите досиеја.
🚨🇫🇷 Attouchements, godes, sous-vêtements d’enfants… Joël Le Scouarnec, 73 ans, sera jugé à partir du 24 février. L’ex-médecin est accusé de +300 viols et agressions sexuelles sur des MINEURS, pendant 25 ANS. Dans les 1 656 pages de son journal, il décrit les viols et… pic.twitter.com/7DVfD1CbJE
— Cerfia (@CerfiaFR) February 17, 2025
Обвинителите на крајот го обвинија за силување и сексуален напад на 299 деца, од кои многумина биле под анестезија кога се случила наводната злоупотреба.
Обвинителите велат дека Ле Суарнек се изјаснил за виновен за многу од обвиненијата со кои се соочува, а неговите бранители одбија да дадат коментар пред судењето.
Ова судење ќе се одржи во пресрет на пресудата на Доминик Пелико, кој во декември беше прогласен за виновен за дрогирање и силување на својата сопруга, како и за овозможување десетици мажи да ја силуваат, а кои ги поканил во својата куќа. Во истиот случај беа осудени уште 50 мажи, што ја шокираше француската јавност и меѓународната заедница.
Случајот Ле Суарнек ќе отвори сериозни прашања за францускиот јавен здравствен систем, велат жртвите и организациите за човекови права. И покрај осудата за детска порнографија во 2005 година, Ле Суарнек продолжи да работи во јавните болници до неговото апсење во 2017 година. Министерството за здравство не коментираше ништо за хирургот што со децении ја злоупотребувал својата хумана професија.
⚡️🗣 “Personne ne peut s’imaginer cette horreur” : témoignage choc d’une victime du chirurgien Joël Le Scouarnec, inculpé pour viols et agressions sexuelles sur près de 300 personnes. Elle l’accuse de viol alors qu’elle était âgée 9 ans. pic.twitter.com/u7PdeoUiSQ
— franceinfo (@franceinfo) February 15, 2025
Франсоа е тужител во случајот и жртва на злоупотреба од хирургот кога имал 12 години. Тој изрази надеж дека случајот ќе даде некои одговори за системот, за кој вели дека го разочарал.
– Сфаќам дека овој хирург не требаше да ме оперира. Се чувствувам измамен од властите… Зошто никој не му забрани на овој хирург да работи со деца? – прашува денес Франсоа, кој побарал да не се споменува неговото презиме.
Детални описи во дневникот на монструмот
По откривањето на дневниците на Ле Суарнек во 2017 година, властите почнаа да ги идентификуваат неговите потенцијални жртви со усогласување на описите во дневниците со болничките досиеја. Иако многу од пациентите биле под анестезија и не се сеќаваат на наводната злоупотреба, психијатрите ги документирале симптомите на посттрауматски стрес кај жртвите, според судските документи.
French surgeon Joel Le Scouarnec will go on trial next week for raping and abusing hundreds of young patients in France’s biggest ever child sex abuse case https://t.co/Qv6gLHdBpn pic.twitter.com/g4TD8bTH0t
— Reuters (@Reuters) February 17, 2025
Матис Винеј имал десет години во 2007 година кога неговите татко и дедо го однеле во болницата во Кимперл со стомачна болка. Неговиот дедо, 78-годишниот Роланд Винет, се сеќава дека го сретнал Ле Суарнек и не му било ништо сомнително кај него, а Матис ја поминал ноќта во болница.
Во својот дневник Ле Суарнек пишува дека тој и следниот ден сексуално нападнал младо момче и дека го допирал неговиот полов орган.
– Матис повеќе не беше истиот по хоспитализацијата – вели Винет, кој подоцна го поминал животот во злоупотреба на алкохол и дрога.
Во 2021 година тој починал на 24-годишна возраст од предозирање, три години откако полицијата го известила за злоставувањето што наводно го претрпел и откако се навраќал на настаните.
Joël Le Scouarnec, ancien chirurgien de 74 ans, encourt 20 ans de réclusion pour des agressions sexuelles et viols aggravés commis entre 1989 et 2014 sur 299 patients, âgés en moyenne de 11 ans lors des faits. https://t.co/gQJCPbsa18 pic.twitter.com/rG8mrvy5T2
— Le Figaro (@Le_Figaro) February 16, 2025
Винет и неговата сопруга, тужители во случајот, тврдат дека Матис извршил самоубиство. Тие го обвинуваат Ле Суарнек за смртта на својот внук.
Имал осуда за детска порнографија, а работел
Ле Суарнек бил осуден на четиримесечна условна затворска казна во 2005 година за поседување детска порнографија. Следната година нашол работа како хирург во јавната болница во Кимперле.
Болничкиот психијатар го информирал раководството на институцијата за неговата загриженост за однесувањето на Ле Суарнек во 2006 година, се наведува во судскиот документ, но хирургот продолжил да работи со деца.
Обвинителот во Лориен, Стефан Келенбергер, чија канцеларија ја води истрагата за наводните напади на Ле Суарнек, рече дека е отворен за посебна прелиминарна истрага за да се утврди дали има кривична одговорност на субјекти или на поединци што можеле да ги спречат нападите.
Француското лекарско здружение одби да коментира. Локалниот огранок на здружението во одделот Финистер, кој според судските документи знаел за осудата на Ле Суарнек во 2005 година, не одговорил на повторените барања за коментар за работата на хирургот.
