Екипата на Зрињски вчера славеше на гостувањето во Албанија против Тирана со 1:0 во првиот натпревар од второто квалификациско коло за пласман во Лигата на конференции, но навивачите на тимот од Мостар предизвикаа инцидент и се степаа со албанската полиција.

Телевизијата „Еуроњуз Албанија“ објави видео  на кое се гледа како навивачите на Зрињски фрлаат столици и шишиња кон полицијата, која пак употреби солзавец, а потоа и физичка сила за да ги растера гостинските навивачи.

Албанската полиција откако ја смири ситуацијата, според медиумите во Тирана, приведе 25 навивачи на гостинскиот тим.

After the football game between Tirana and Zrinjski Mostar, in Albania, multiple Mostar fans were arrested after attacking the police. The police used tear gas.#ucl #tirana #albania #ZrinjskiMostar #bosnian #hooligans #acab pic.twitter.com/O3bumJq16x

— Supporters life (@Supporterslife1) July 20, 2022

На, социјалните мрежи се појавија видеа од пресметката, како и од апсењето на навивачите, но и од употребата на прекумерна сила на полицијата. На едно од видеата се гледа како полицајци удираат навивач додека тој лежи на земја.