Фудбалскиот викенд во грчката Суперлига го одбележа солунското дерби помеѓу ПАОК и Арис, а победата ја однесоа гостите кои славеа со 0:1. Голот на одлука го постигна Аргентинецот Даниел Мансини во 41 минута.

Но, како што се ближеше крајот на натпреварот, така се вжештуваше атмосферата на трибините на стадионот „Тумба“, и во финишот стана толку напнато што не беше возможно да се доигра средбата се додека не интервенираше полицијата.

Hemos hecho la de la sudadera en el partido del Gestesa. Pero a lo loco. #PAOK pic.twitter.com/c2s8nCAWBX

— JMSaa (@jm_guada) November 28, 2021

Се започна со пиротехничкото шоу на навивачите на ПАОК кои потоа почнаа да фрлаат предмети на теренот, а потоа и група навивачи влета на самиот терен.

По интервенцијата на полицијата, натпреварот беше доигран и резултатот остана непроменет, 0:1 за Арис.
Натпреварите во фудбалскиот и кошаркарскиот шампионат се играат без присуство на гостински навивачи, а дерби натпреварите ги судат судии од странство.