Бројот на жртви во немирите во Иран се искачи на 31, а сѐ повеќе луѓе излегуваат на улиците, откако 22-годишна девојка беше убиена од „моралната полиција“ поради неправилно носење марама.

Нередите траат непрекинато во изминатите десетина дена, а тие веќе станаа познати како „женската револуција“.

Демонстранти во Техеран и во други ирански градови денеска повторно запалија полициски станици и возила.

Incredible video of protesters in #Iran destroying security vehicles. We’ve never seen these kinds of images in previous protests. The Iranian people’s quest for accountability remains the greatest fear of the mullahcracy of terror. #Mahsa_Amini pic.twitter.com/Clf4PNsVHL

— Jason Brodsky (@JasonMBrodsky) September 21, 2022

Протестите започнаа откако девојката по име Махса Амини беше уапсена и претепана од полицијата за морал, бидејќи наводно хиџабот не го носела правилно. Амини падна во кома, а потоа почина. Нејзиното убиство го осудија Обединетите Нации, Европската унија, САД.

Полицијата одби да ѝ покаже на јавноста снимен материјал од комбито каде девојката е претепана. Оттаму наведуваат дека таа починала од срцев удар, иако семејството нагласи оти Амини била здрава.

Во знак на протест, жените во Иран јавно ги вадат и ги палат марамите.