ВИДЕО | Хамас во офанзива со моќно оружје: Има ракети со кои може да гаѓа мети во цел Израел, а користи и дронови со експлозив

epaselect epa07161975 A view of the tails of Iron Dome anti-missile systems over the Israeli kibbutz of Yad Mordechai, near the border with the Gaza Strip, Israel, 13 November 2018. The Israeli army reported that it identified approximately 450 missiles that were launched from the Gaza Strip toward Israel. Israel responded with strikes directed to approximately 150 military targets belonging to Hamas. EPA-EFE/ATEF SAFADI

Вооруженото крило на Хамас потврди во четвртокот дека почнале да користат нова ракета која има дострел било каде во Израел, откако терористичката група во Газа започна масивни ракетни напади во центаралниот и јужниот дел од земјата во четвртокот попладне, објави Тајмс оф Израел.

„Ракетите се лансирани кон аеродромот Рамон, а се користи и Ајаш ракетата со дострел од 250 киломтери“, соопшти Абу Обеида, портпарол на военото крило на Хамас.

Ракетата е именувана Јахја Ајаш, врховен бомбаш на Хамас кој е одговорен за десетици израелски животи кои се убиени пред неговото убиство во 1996 година.

Меѓу местата кои Хамас ги таргетира се и аеродромот Рамон во Еилат, каде Израел го пренасочи дел од авиосообраќајот рано утрото, откако патничкиот сообраќај на Меѓународниот аеродром Бен Гурион беше цел на ракетни напади.

Не се слушаа сирени во ракетниот напад кон Еилат, бидејќи проектилот падна на отворено подрачје далеку од градот, каде што не предизвика никаква штета. Како и да е, дневниот весник Хаарец соопшти дека Израелските одбранбени сили биле изненадени од дострелот на ракетата, која прелетала над 200 километри, бидејќи претходно верувале дека ракетите во арсеналот на терористичката група достигнале до 160 километри.

Абу Обеида рече дека Мухамед Деиф, воен началник на Хамас, повика „меѓународните авиопревозни компании веднаш да ги прекинат летовите кон кој било аеродром во окупирана Палестина“, имплицитно заканувајќи се дека може да бидат погодени. Неколку американски авиокомпании веќе започнаа да ги откажуваат летовите кон Израел поради ракетните напади.

„Му велиме на непријателот: Вашите аеродроми и секоја точка од северна Палестина до нејзиниот југ е во домет на нашите ракети“, рече Абу Обеида.

Хамас исто така соопшти дека лансирал бројни „самоубиствени дронови“, беспилотни летала што носеле експлозив, во јужниот дел на Израел од Појасот Газа. Војската потврди соборување на најмалку два такви беспилотни летала.

Канал 12 објави дека беспилотните летала се чини дека имале слаби способности и изгледа дека не претставуваат сериозна опасност. Сепак, на жителите на соседните заедници во Газа им беше наредено привремено да останат во засолништата поради беспилотните летала.

Израелските одбранбени сили објавија видеоснимка на која се гледа како борбен авион Ф-16 соборува еден од вооружените беспилотни летала, кои беше лансиран од Појасот Газа кон целото крајбрежје.

На видеото,  може да се види како борбениот авион го цели  „самоубиствениот дрон“, кој носел околу пет килограми експлозив, пред да го уништи со ракета.

Видео на денот