ВИДЕО | Халили: Оставката на Заев е дојдена во лошо време и ќе влијае врз нашата репутација како држава
Откако премиерот Зоран Заев најави оставка сега се наметнува прашањето што ќе се случува со надворешните односи на државата.
Оваа владејачка гарнитура зазеде еден надворешен курс, сега на тема е проблемот со Бугарија. За тоа дали има некакви опасности оваа внатрешна состојба да го промени надворешниот курс на државата во Утрински брифинг разговаравме со Мухамед Халили, претседател на Советот на амбасадори.
-Оставката е дојдена во многу лошо време. Посебно за нашите евроинтеграциски процеси и мислам дека секако тоа ќе влијае врз нашата репутација како држава и нашите заложби за одржување на меѓувладината конференција помеѓу ЕУ и Северна Македонија, вели Халили за Утрински брифинг.
-Влегуваме во еден период на пасивност на Владата, а тој период го имавме до сега со самото одржување на локалните избори, но сега односите се такви што мораме да чекаме или нова владина коалиција или истата да продолжи или во краен случај да се оди на превремени парламентрани избори што не ни е од полза, коментира Халили.