ВИДЕО: Халанд вистинска „гол-машина“, има неверојатен учинок во Бундеслигата

Ерлинг Халанд има 49 голови во 49 бундеслигашки официјални натпревари/Фото: EPA-EFE/SASCHA STEINBACH

Во осмото коло од Бундеслигата екипата на Борусија Дортмунд со 3:1 на домашен терен го совлада Мајнц.

Тоа е шести триумф за „милионерите“ сезонава и моментно се на врвот со 18 бодови, два повеќе од Баерн Минхен, Баер Леверкузен и Фрајбург.

Домаќините водеа после првото полувреме со голот на Ројс, а во вториот дел двапати во листата на стрелците се запиша Халанд.

Норвежанецот Халанд сега има 49 голови во 49 бундеслигашки официјални мечеви откако е член на Дортмунд.

Во другите денешни средби кои стартуваа од 15.00 часот: Ајнтрахт Франкфурт – Херта Берлин 1:2, Фрајбург – Лајпциг 1:1, Гројтер Фурт – Бохум 0:1 и Унион Берлин – Волфсбург 2:0.